కీసర, వెలుగు: బ్రిక్స్ కంపెనీలో ప్రమాదవశాత్తు కాలుజారి కిందపడి మహిళ మృతి చెందింది. వనపర్తి జిల్లా మదనాపురం గ్రామానికి చెందిన దేవర్ల ఈరమ్మ (23) కీసర గ్రామ పరిధిలోని శివ శంకర్ బ్రిక్స్ కంపెనీలో కొంత కాలంగా పనిచేస్తోంది. మంగళవారం ఆమె పనిచేస్తూ ప్రమాదవశాత్తు కాలుజారి కిందపడింది. తలకు తీవ్ర గాయాలు కావడంతో వెంటనే సమీపంలో ప్రైవేట్ ఆసుపత్రికి తీసుకెళ్లారు. పరీక్షించిన వైద్యులు అప్పటికే ఆమె మృతి చెందినట్లు నిర్ధారించారు. ఈ ఘటనపై కీసర పోలీసులు కేసు నమోదు చేసి దర్యాప్తు చేస్తున్నారు.
